ГАНЦААРЧИЛСАН КӨҮЧИНГ ХӨТӨЛБӨР

ХӨТӨЛБӨРИЙН ЗОРИЛГО:

• Көүчинг нь көүч болон үйлчлүүлэгч хоёрын нягт түншлэлийн үйл явц бөгөөд, көүч үйлчлүүлэгчтэй хамтран бодолцож, бодлын хамтрагч болдог.
• Көүч нь зөвлөгөө, менторинг, сэтгэл засал, сэтгэл зүйн зөвлөгөө аль аль нь биш юм. Көүч зөвлөгөө өгдөггүй.
• Тухайн хувь хүн ажил мэргэжлийн, хувь хүний өсөлт хөгжлийнхөө хувьд өсөн дэвжихийг зорьж буй тэр чигт хөтөлдөг түншлэлийн арга юм.
• Көүч нь хувь хүнд байгаа ур чадвар, чадамж, нөөц, боломжийг өөрөөсөө нээн илрүүлэх, хөгжүүлэх, өөрийн дотоод төвөө олох, өөртэйгөө чин үнэнчээр харилцах орчин бүрдүүлдэг.
• Тухайн үйлчлүүлэгч көүчингийн турш цаг зав гаргаж, харилцан ярианд яг өөрөөрөө байж, чин сэтгэлээсээ оролцох нь, көүчингийн харилцааг үр дүнтэй, өгөөжтэй болгоход маш их нөлөөтэй.
• Көүч нь үйлчлүүлэгчийн санаа бодол, үзэл хандлагыг хэзээ ч шүүж, дүгнэж, өөрийн байр суурийг тулган, явцуу хандлагаар хандахгүй, цэвэр мэргэжлийн байр сууринаас хандаж, идэвхтэй, бүрэн дүүрэн сонсож, үйлчлүүлэгчийг өөрийн дотоод мөн чанараа нээхэд тусалдаг.

ХӨТӨЛБӨРИЙН ХУГАЦАА:

• 14 хоногт нэг удаа көүчинг уулзалт төлөвлөнө. Нэг удаагийн уулзалт 60-90 минут үргэлжилнэ.
• Ганцаарчилсан көүчинг хөтөлбөр нь 6-10 удаагийн уулзалтаас бүрдэх ба үйлчлүүлэгчийн хүсэлтээр уулзалтыг нэмж болно.

ХҮРЭХ ҮР ДҮН:

• Өөрийн мөн чанар, үнэт зүйлээ илүү тодоор харна.
• Өөрийн бодол, үг, үйлдэл, дадал, харилцааны хэв шинжээ илүү тодорхой харж сурна.
• Хүрэхийг хүссэн зорилгоо илүү тодорхой харж, бодитой алхмууд авч хэрэгжүүлнэ.
• Ажлын бүтээмж, сэтгэл ханамж нэмэгдэж, өөрийн үнэ цэнийг илүү мэдэрнэ.
• Нуугдсан потенциал, нөөцөө нээнэ.
• “Одоо-Эндээ” илүү ухамсартайгаар оршиж, “майндфул” байж, төвлөрч сурна.
• Чөлөөтэй сэтгэж, өөрийгөө чиглүүлэн, “өөртэйгөө” үр дүнтэй, бүтэцтэй ярилцах аргад суралцана.
• Үр дүнтэйгээр “бодлоо, үгээ, үйлдлээ, мэдрэмжээ цэгцлэхэд” суралцана.
• Өөрийн манлайллын хэв шинж, удирдан чиглүүлэх аргачлалаа тодорхойлно.